He kupu karo: Kāore pea e whakamāoritia ngā hono ki ētahi atu pae.
Mō Skinny Jump.
Te āwhina hononga aunui ki ngā kāinga o Aotearoa.
Atu i te $5 ia marama tuatahi
Pouwhanga koreutu + he koreutu te 35GB
Kāore he kirimana - whakahoutia inamatatia
Kāore he hihira tūnga moni
From $5 a month
Free modem + first 30GB free
No contracts - renew as you go
No credit checks
Ko tō mātou whakapono i Skinny, me whiwhi ia tangata o Aotearoa i ngā whai wāhitanga ōrite ki te ako me te momoho i tō tātou ao matihiko nei. Koirā e whakarato ana mātou i te aunui he māmā rawa te utu ki te mano tino o ngā kāinga i Aotearoa.
Ko te Skinny Jump he momo aunui hangore, utu tōmua hoki: He $5 noa iho mō te 35KP o te raraunga, kāore he kirimana, kāore hoki he hihira tūnga moni, ā, he koreutu te pouwhanga. Whakahoutia inamatatia ina hiahia koe.
Nā tā mātou pūnaha whakahou inamata, utu tōmua hoki, ka taea tētahi mahere 35KP mō te $5 noa iho. Ka taea ngā whakahōutanga e ono ia marama, tae atu ki te mōrahi o te 210GB mō te $30.
I tua atu, ka whiwhi koe i te tāpiritanga raraunga 15KP ia marama. Ka aunoa tā mātou uta i te 15KP o te raraunga koreutu ki tō pūkete i te rā tuatahi o ia marama. Ka tuku kia 30 rā te whakamōhio ki a koe mēnā ka huri, ka kati rānei i te tāpiritanga raraunga 15KP koreutu.
Ko te 30 rā te roa e mana ana te raraunga Skinny Jump katoa ā muri i te tāpiritanga ki tō pūkete. Hei te otinga o te 30 rā ka mōnehu te raraunga. E kore e whiti atu ki te marama whai ake.
He ratonga monihua kore a Skinny Jump, ā, kāore mātou e whakamahi i ō mōhiohio ki te whakatairanga, te hoko atu rānei i ētahi atu hua.
Kei te tika a Skinny Jump māu?
Ko Skinny Jump mā ērā kāore ā rātou hononga aunui i te kāinga ko te utu te take.
Ka āta tautoko mātou i te hunga he nui rawa te tūponotanga ka aukatia i te ao matihiko, e ai ki te mahere whakaurunga matihiko a te kāwanatanga.
Mēnā ki tō whakaaro ka hāngai tētahi, ētahi rānei o ēnei ki a koe, tērā pea ka māraurau koe:
- He whānau whai tamariki
- He kairapu mahi
- He kaumātua
- He tangata hauā
- He rerenga me ngā hapori manene
- He tangata kei te whare noho pāpori
Arā pea he āhuatanga anō e māraurau ai koe. Kōrero ki tētahi o ō mātou hoa kamupene whakarato Skinny Jump kia mōhio atu ai.
Me noho i tētahi rohe e kapi ai i tō mātou whatunga. Panuku whakararo kia mōhio mēnā ka kapi tō wahi noho.
Mā Skinny Jump ka taea te whakamahi tae atu ki te 210KP i te marama. He kaha te whakapau raraunga a ngā ngohe pēnei i te kēmutanga tuihono me ngā pāho tikinoa. Kāore a Skinny Jump i waihangatia mō aua momo ngohe. Ki tō whakaaro ka pau pea koni atu i te 210KP i te marama, kāore pea e tika te Skinny Jump māu.
Ka taea te whiwhi Skinny Jump i hea?
Me waitohu ki Skinny Jump anake mā tētahi o ō mātou kamupene hoa o tō takiwā. Mēnā ka kapi tō wāhi noho i tō mātou whatunga, ka whakaatu mai te rapu wāhi noho i te hoa kamupene pātata rawa ki tō kāinga.
Whakaritea he wāhui mā te waea atu ki te kamupene o tō rohe ki te waitohu atu ki Skinny Jump.
Hei tō toronga atu ki te kamupene, mā rātou koe e waitohu ki Skinny Jump. Ka hoatu hoki i tētahi pouwhanga ki a koe me te āwhina i a koe ki te waihanga i te pūkete Skinny.
Nō reira, me tīmata mā te rapu mēnā e wātea ana a Skinny Jump i tō wāhi noho.
He pātai āu mō Skinny Jump?
He $5 te utu mō te aunui Skinny Jump, me te 35GB o te raraunga, me te mōrahi o ngā whakahoutanga mahere e 6 ia marama. Ka whiwhi pouwhanga koe mō te kore utu, engari me whakahoki i tērā ki te mutu i a koe te whakamahi i Skinny Jump.
Kāore he rahinga arowhānui, he utu tuwhene rānei mō Skinny Jump.
Ko tō mātou whakapono i Skinny, me whiwhi ia tangata o Aotearoa i ngā arawātea ōrite ki te whai wāhi ki tō tātou ao matihiko nei.
Kāore a Skinny Jump e whakarato waea aho. Ki te hiahia koe ki te tūhononga waea aho, ko te tūtohu nei me titiro kē ki ngā hua ka whakaratohia e ngā kaiwhakarato kē.
Mēnā kua kīia koe kāore te Skinny Jump i te wātea i tō wāhi noho, e mōhio ana ana mātou he take whakahōhā tēnā ki a koe. E mahi tonu ana mātou kia whānui ake ai te kapinga mō Skinny Jump. Āta mātakitaki tonutia te pūtirotiro wāhi noho.
Ko ngā take e kore ai e wātea e pēnei ana:
- Kei waho koe i te rohe ka kapi i ā mātou pourewa waea pūkoro, tērā rānei,
- Kei roto tō whare i tētahi takiwā i hipa ai te mōrahi o ngā pouwhanga ka taea te tūhono ki tō pourewa waea pūkoro.
