Faafitiga: Atonu e lē o faaliliuina i lenei gagana links i isi itulau o upega tafailagi.
Talaaga o le Skinny Jump.
O se broadband ua faatupe i se fesoasoani tupe mo aiga i Niu Sila.
Mai le $5 i le masina
Maua fua le modem + maua fua 35GB muamua
Leai ni konekarate – faafou a o faaaogā
Lē faia ni siaki mo aitalafu
From $5 a month
Free modem + first 30GB free
No contracts - renew as you go
No credit checks
E talitonu matou i le Skinny, e tatau ona laugatasia tagata taitoatasi o Niu Sila i avanoa tutusa latou te malamalama ai ma taulau manuia i totonu o se lalolagi ua fesootai i fesootaiga faainitaneti. O le pogai lena ua matou ofo atu ai se broadband (fesootaiga maualuga lona saoasaoa) e matuā taugofie ma gafatia e le faitau afe o aiga i totonu o Niu Sila.
O le Skinny Jump o se broadband e muai totogi ma e faigofie ona fetuutuunai ona tau: E na o le $5 mo data e 35GB, e lē sainia ni konekarate pe siaki foi le tulaga o ni au aitalafu, ma e avatu fua ai ma le modem (le masini e faaaogāina). Na o le faatau lava o au top up a o faaaogā.
O le matou faiga lea e mua’i totogi ai lau top-up o lona uiga e te maua se plan e 35GB o data mo le na o le $5. E mafai ona e faafouina faa ono lau plan i masina taitasi, seia oo atu i le maualuga e 210GB o data mo le $30.
E lē gata i lea, o le a e maua foi data e 15GB i le aso muamua o masina taitasi. O le a otomeki lava ona matou tuu atu fua data e 15GB i lau account i le aso muamua o masina taitasi. O le a matou tuu atu se faaaliga mo le 30 aso pe afai o le a suia pe faamuta foi le 15GB maua fua lea.
O data uma a le Skinny Jump e 30 aso le umi e faaaogā ai talu mai le taimi e tuu ai i lau account. A mavae aso e 30, ona uma lea o le aogā o data. E lē faaauauina atu data o loo totoe i le isi masina o sosoo mai ai.
O le Skinny Jump o se auaunaga e lē o sailia ni polofiti, ma e matou te lē faaaogāina faamatalaga e faatatau ia te oe e faalauiloa pe faatau atu ai isi oloa.
Pe fetaui mo oe le Skinny Jump?
O le Skinny Jump e lelei mo i latou e lē o iai se latou broadband connection i le fale ona e lē gafatia le tau.
E faapitoa lava le matou fesoasoani ia i latou e iai le faafitauli o le ono lē maua fesootaiga mai le initaneti, e pei ona maitaulia mai i faamaumauga tāua a le malo i ē o loo maua fesootaiga i luga o le initaneti.
Afai e te faafofoga mai o loo aofia oe i se tasi poo nisi o mea nei, atonu la e te agavaa:
- Aiga e iai tamaiti
- Tagata o loo saili galuega
- Tuaa matutua
- Tagata e iai aafiaga tumau o le soifua
- Aai o loo iai tagata sulufa’i ma i latou e autovaa mai
- I latou o loo nonofo i fale o le malo
Atonu e iai nisi aiaiga e mafai ai ona e agavaa. Talanoa i se tasi o pisinisi i lou vaipanoa o loo faipaaga ma le Skinny Jump e te silafia ai lea tulaga.
E moomia ona e alaala i se nofoaga o loo aofia i la matou network. Faasolo i lalo e siaki ai lou tuatusi.
I le Skinny Jump e mafai ona oo lau faaaogā i le 210GB i le masina. E vave tele ona uma le data pe a fai au taaloga i luga o le initaneti ma matamata ai videos. E lei fuafuaina le faiga o le Skinny Jump mo nei ituaiga o gaioiga. Afai e te manatu o le a e manaomia le silia ma le 210GB i le masina, e ono lē fetaui la le Skinny Jump mo oe.
O fea mafai ona e maua ai le Skinny Jump?
Faatoa mafai ona e lesitala mo se Skinny Jump i se tasi o pisinisi o loo matou faipaaga faatasi i lou vaipanoa. Afai ua aofia lou tuatusi i le matou network, o le a faaali atu e le faafanua e siaki ai tuatusi, le pisinisi o loo matou faipaaga e sili ona latalata i ai lou maota.
Vili la matou paaga lena e faatulaga ai se taimi e te agai i ai e te lesitala mo le Skinny Jump.
Pe a e agai atu i ai, o le a latou fesoasoani ane e faasino le auala e te lesitala ai mo le Skinny Jump. O le a latou avane foi ia te oe se modem ma fesoasoani ane e faatulaga lau account i le Skinny.
Se’i tatou amata la i le siaki po ua maua le Skinny Jump i le vaipanoa o loo e nofo ai.
E iai ni fesili e uiga i le Skinny Jump?
O le tau o le broadband a le Skinny Jump e $5 mo le 35GB o data, ma e oo atu i le 6 plan toe faafou i le masina. E maua fua atu ma lau modem, ae tatau ona toe faafoi mai pe afai o le a e lē toe faaaogāina le Skinny Jump.
E leai ni standard rates poo ni overages mo le Skinny Jump.
O le talitonuga o matou iinei i le Skinny, e tatau i tagata Niu Sila uma ona maua avanoa tutusa e faaaogā ai fesoota’iga tau initaneti ua iai nei lo tatou lalolagi.
E lē o ofoina e le auaunaga a le Skinny Jump ni telefoni fale. Afai o loo e moomia foi sau laina telefoni e ta’i atu i lou maota, matou te fautuaina e sili lou saili atu i isi kamupani telefoni poo ā ni auaunaga o latou faatinoina.
Afai na ta’u atu ia te oe e lē o mafai ona maua le Skinny Jump i lou maota, matou te iloa lava le lē faatigaulu o lena mea. O loo matou galulue pea ina ia faalautele atu i tua le mamao o le kava a le Skinny Jump. Fai pea ma siaki ane tuatusi ua oo atu i ai.
O le mafuaaga e lē o mafai ai ona maua, atonu pe:
- O loo e nofo i fafo atu o vaipanoa o loo mafai ona kava e le pou a le matou selula, pe
- O loo tu lou maota i se vaega ua ausia le aofaiga o le tele o modems e mafai ona fesoota’i ai i le pou e ola ai lau selula.
